一人有一個夢想?

Weekend去了across-uhub的youth concert - 相傳有夢. 裏面就是不停的提夢想. 它發出一個message, 是每人都應該有夢想, 應該追求夢想.

我的夢想是什麼?

這一直是我的一個遺憾. 我沒有什麼夢想. 我由細到大都唔係好知道自己鍾意啲乜．　唔知自己鐘意第二時做啲乜．　唔知道自己鐘意讀咩科. 衣服鞋襪都無乜所謂(人地話我無taste, 都係呢個原因)．　究竟好鍾意一對波鞋係乜感覺? 好鍾意一隊波係乜感覺 ? 我諗我無乜試過. 更不要說"夢想". 由細到大, 好多決定都係理性行頭. 從小學作文我的自願(老師, 因為老師改卷)到大學揀科(engineer/engsci/elec option, etc, 因為夠broad機會多啲)都係咁. 都唔係我真係鐘意既.

我所有"鍾意"(可能應該話重視至啱)既野, 好多時都係因為佢背後既意義. 可能係一件朋友送既野, 可能係阿爸阿媽喺細個時奬我既禮物, 或者係一啲旅行紀念品., 或者有紀念價值的東西, 我都會非常珍惜.. 所以, 我好怕朋友送啲耗用品俾我. 因為我真係會唔捨得用. 曾經有班香港既朋友, 寄了包以前香港成日食既糖俾我.. 我真係可以唔捨得食. 一放就十年. 結果前年清櫃桶時都係要掉左佢. 掉嗰時都幾唔開心.

不久前, 聽阿媽講話佢有個興趣班既老師, 剛剛遺失了一枝好有紀念價值既筆. 據她說這筆是老師的太太臨終前送給老師的最後一份生日禮物. 兩個月後, 老太太就得急病離開了. 媽說老師是很不開心, 但也還看得開, 說緣份完了就是完了. 我想, 若果是我, 我想我可會肝腸寸斷, 自怨自艾一段長時間.

講返轉頭, 我究竟鍾意啲乜 ? 我既夢想係啲乜? 我真係唔知道. 以前都唔覺得自己咁唔認識自己. 近呢輪開始越來越迷網. 我諗我既夢想係建立一個幸福美滿既家庭? 又或者, 我既夢想, 係搵到自己真正既夢想.

夢想... 點解for一啲人, 係咁自然擁有既野, 而對我, 係何等抽象難以捉摸? 是遺憾? 是缺憾?

如果我有夢想, 但因一啲原因而不能實現, 那夢想是好事? 是壞事?