交通督導員 (下)

雖然都係講同一個崗位, 但係兩件唔同既事, 所以分開來 post.

兩星期前, Angel 特然走來問我, 可唔可以regularly（若每月一次）幫手做停車場司事... 吓?　點解會揀中我? 　我同ａｎｇｅｌ　講我要考慮一下．呢個星期日答覆.

hmm.... 啱啱先至試過一次，　唔係咁棧架噃．．．　而且我都好enjoy喺Sunday嗰半個鐘同弟兄姊妹傾吓計．．而且，又少左啲flexibility，有啲日子唔可以早走返屋企食飯（我有時會）．．．　老實講，　我真係好猶疑．我亦都有諗, 如果我接受得咁唔願意，都唔係一個好既事奉啦．．．

但係我都決定用多啲時間去諗去問吓神．一路既結果都係諗住婉拒Angel既．　點知，就喺星期日我臨返Church前，在shower之中再諗呢過問題多一次既時候，神就真係同我講說話啦．當時，心裏面有一把聲音問我，你可以幫朋友一年頂幾次，咁你對神既愛同付出大唔大得過朋友六倍丫? 當然...
跟住, 又問, 如果你女朋友要一年做五十二次,你肯唔肯幫佢頂哂丫? 我肯. 當時, 我真係俾花洒照頭淋緊都感覺到背脊流緊汗咁滯...

但係神都真係留有餘地俾我既. 當我諗住同Angel講既時候,Angel話俾我知, 其實都好flexibile既, 有相熟既弟兄一齊做, 要"調更"都唔係咁難既. 而且, 依家唔需要一個月做一次, 應該都係兩三個月一次啫... =D 咁加埋幫人做既, 都係兩個月一次左右. ok 啦. 唔知點解, 當經過左, 應承左之後, 反而有啲期待下個禮拜既 Training. 想多啲知道究竟停車場司事係乜野既一回事呢?